شراء موبايل جديد 7 " اطالة العمر الافتراضى للموبايل"

تحدثنا فى المقالة السابقة عن الاسعار المختلفة للهواتف الذكية وغلاء اسعار بعض الموبايلات فى بعض الدول العربية ، ووضحت بعض الحلول المقترحة للتغلب على هذا الارتفاع فى الاسعار ، واليوم بمشيئة الله تعالى سأتحدث معكم عن بعض الطرق او الحلول
لاطالة العمر الافتراضى للموبايل بتاعك ، يعنى بدل ما الموبايل يفضل معاك كام شهر ويتلف هذه المقترحات لو سيرت عليها تخلى الموبايل بتاعك يفضل معاك اطول مدة ممكنه لحد ماانت شخصيا تزهق منه وتحتاج تغيره الى هاتف احدث منه 
اولا بعد ظهور الشاشات اللمسية للهواتف الذكية الحديثة ، أصبحت هذه الموبايلات تتلف بسرعة لاسباب عديدة منها تعرضها للمياه او الخدش او لعب الاطفال بها ، او وقوعها على الارض مما يتسبب فى كسر الشاشة وعشان تصلحها يقولك عايز مبلغ كبير وبالتالى انت هتقول اجيب موبايل تانى احسن ، وترمى الموبايل اللى معاك طيب نحل المشكلة دى ازاى ، هناك مجموعة من الحلول منها
شراء واقى للشاشة وهو عبارة عن قطعة من البلاستيك الشفاف توضع الى شاشة الموبايل وبالتالى تحمى الشاشة من الخدش والماء وعند السقوط على الارض .
ثانيا شراء جراب للهاتف سواء من البلاستيك او من الجلد على حسب ما تريد وايضا الجراب سيحمى موبايلك من نفس العوامل السابقة وخاصة عند وقوع الموبايل على الارض للمسافات القريبة طبعا .
ثالثا : شراء الموبايل الذى يتناسب مع طبيعة عملك وقد اوضحنا ذلك فى مقالة سابقة يعنى انت لو بتعمل فى مجال المعمار كمهندس او عامل او ما الى ذلك فان موبايلك كثيرا ما يتعرض الى السقوط وفى هذا الوقت أقترح عليك ان تأخذ موبايل او تشترى موبايل اخر رخيص الثمن يكون معك بديلا عندما تكون فى العمل .
رابعا: اجعل موبايلك دائما فى جيبك او فى الحقيبة التى تحملها ولا تخرجه الا عند اجراء المكالمات وغير ذلك من الحلول ، اود لو ان احدكم لديه المزيد من الحلول ان يقترحها ويكتبها لنا من خلال التعليقات لكى يستفيد الجميع من ذلك.